近来小lu睡觉前就喜欢听我唱童谣，一只是凼凼转，另一只就是落下雨大了，这几晚则喜欢听嗳猪乖，我只是记得一部分，后面的就记不清了，为了把哄lu睡觉的工作做得更好，现在冒着被蚊子围攻的危险上网找。同一个名字的童谣有时有好几个版本。

1、嗳姑乖，嗳大个姑仔嫁后街。后街有哋乜嘢卖? 有鲜鱼鲜肉又有鲜花戴，戴唔晒，丢落牀頭畀个老鼠拉，一拉拉去隔离街（大新街）。隔离街（大新街）又有个扯皮鞋,扯下开,又扯下埋.

2、凼凼转
凼凼转，菊花圆，炒米饼，糯呀糯米团；五月初五系龙舟节啊！亚妈佢叫我去睇龙船，我唔去睇我要睇鸡仔，鸡仔大我扐去卖，卖得几多钱？卖咗几多只呀？我有只风车仔，佢转得好好睇，睇佢凼凼转呀，菊花圆，睇佢凼凼转呀，凼凼转又转。

3、点虫虫（1)
点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。

4、点虫虫（2)
点虫虫，虫虫飞，飞到荔枝基。荔枝熟，无定仆，仆入阿仔个鼻哥窿。

5、月光光（1）
月光光，照地塘；年卅晚，摘槟榔；槟榔香，摘子姜；子姜辣，买萝卜；萝卜苦，买猪肚； 猪肚肥，买牛皮；牛皮薄，买菱角；菱角尖，买马鞭；马鞭长，起屋樑；屋樑高， 买张刀；刀切菜，买箩蓋；箩蓋圆，买只船；船沉底，浸死两个番鬼仔。（一个蒲頭，一个沉底。)

6、月光光（2）
月光光，照地堂，虾崽你乖乖睡落床，听朝（明天）阿妈要捕鱼虾啰，阿爷睇牛要上山坡，哦哦哦...... 阿崽你快高长大啰 帮手阿爷去看牛羊， 哦哦哦...... ，月光光，照地堂，虾崽你乖乖睡落床，听朝（明天）阿妈要捕鱼虾啰！ 阿嫲织网要织到天光，哦哦哦...... ，虾崽你快高长大啰撑艇撒网就更在行，哦哦哦......

7、《落雨大》　　
落雨大，水浸街，阿哥担柴上街卖，阿嫂教我做花鞋；花鞋做埋花脚带，珍珠蝴蝶两边排，排排都有十二粒，粒粒圆滑无疵瘕。

8、落雨大（我记得的）
落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排

9、拍大髀
拍大髀，唱山歌，人人话我冇老婆， 嘀起心肝娶番个，有钱娶个娇娇女，冇钱娶个豆皮婆。 豆皮婆，食饭食得多，痾屎痾两箩，痾尿冲大海，痾屁打铜锣。

10、猜呈沉
呈沉剪,呈沉包,呈沉糯米叉烧包,老鼠唔食香口胶,要食豆沙包。

11、排排坐
排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆

12、鷄公仔
鷄公仔，尾彎彎，做人新婦甚艱難！
早早起身都話晏，眼淚唔乾入下間，
下間有個冬瓜仔，問安人老爺煮定蒸，
安人又話煮，老爺又話蒸，
蒸蒸煮煮唔中安人老爺意，
大把拉鹽又話淡，手甲挑鹽又話鹹，
三朝打爛三條夾木棍，四朝跪爛四條裙！
咁好花裙畀你跪爛，咁好石頭畀你跪崩！
橫又難，直又難，
不如捨命落陰間！
人話陰間條路好，我話陰間條路好艱難！

13、落雨大
落雨大，水浸街，
亞哥擔柴上街賣，亞妹出街着花鞋，
花鞋花襪花腰帶，珍珠蝴蝶兩邊排，
有錢打對鈴琳鼓，冇錢打個石榴牌。

14、大笨象，揸支槍
大笨象，揸支槍，去打仗，
打唔贏，返嚟食碗辣椒醬，
隔籬屋企燒炮仗，問你響唔響，
唔響掌你兩巴掌。